អេ អឹម ខេ បានចូលរួមជាមួយ CamEd Artistic Club ក្នុងកម្មវិធី “ជំនួយ ១.១០០ ក្ដីសង្ឃឹម”

ភ្នំពេញ ថ្ងៃទី២៣ ខែសីហា ឆ្នាំ២០២៥ គ្រឹះស្ថានមីក្រូហិរញ្ញវត្ថុ អេ អឹម ខេ មានសេចក្ដីសោមនស្សរីករាយដែលបានចូលរួមជាមួយ CamEd Artistic Club ក្នុងកម្មវិធី “ជំនួយ ១.១០០ ក្ដីសង្ឃឹម” ដើម្បីនាំយកសម្ភារៈសិក្សា  សម្ភារៈប្រើប្រាស់ និងគ្រឿងឧបភោគបរិភោគ ជួយដល់កុមារចំនួនប្រមាណ ១៩០រូប ដែលកំពុងស្នាក់នៅមណ្ឌលសប្បុរសធម៌ មណ្ឌលមែកឈើ (Branch Center)។

កម្មវិធីនេះមិនត្រឹមតែជាការចែករំលែកក្តីស្រឡាញ់ និងក្តីសង្ឃឹមទៅកាន់កុមារដែលត្រូវការជំនួយទេ ប៉ុន្តែថែមទាំងបញ្ជាក់ពីការប្តេជ្ញារបស់ អេ អឹម ខេ ក្នុងការចូលរួមការងារសង្គម និងសហគមន៍ ក៏ដូចជាការជឿជាក់ថាការគាំទ្រក្នុងសកម្មភាពបន្តិចបន្តួចនេះអាចបង្កើតជាកម្លាំងចលករដើម្បីជួយឲ្យកុមារមានអនាគតល្អប្រសើរជាងមុន។ អេ អឹម ខេ សន្យានឹងបន្តរួមចំណែកក្នុងសកម្មភាពសង្គម ដើម្បីចែករំលែកសេចក្តីស្រឡាញ់ និងផ្ដល់ឱកាសសិក្សាដល់កុមារនៅតាមតំបន់ផ្សេងៗ ជាផ្នែកមួយនៃបេសកកម្មក្នុងការកសាងសង្គមកម្ពុជាឲ្យរឹងមាំ និងមានភាពចម្រើន។

អំពី អេ អឹម ខេ

គ្រឹះស្ថានមីក្រូហិរញ្ញវត្ថុ អេ អឹម ខេ គឺជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា ដែលផ្តល់សេវាហិរញ្ញវត្ថុប្រកបដោយទំនួលខុសត្រូវ និងសម្បូរបែប ដល់អតិថិជនគ្រប់រូប និងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន។ អេ អឹម ខេ បានបង្កើតឡើងជាង ២០ឆ្នាំមកហើយ ដោយមានប្រតិបត្តិការនៅគ្រប់ខេត្ត និងស្រុកក្នុងប្រទេសកម្ពុជា ក្នុងនោះមានសាខាជាង ១៤៣កន្លែង និងភ្នាក់ងារប្រមាណជាង ៧.០០០ កន្លែង។ អេ អឹម ខេ ផ្តល់សេវាហិរញ្ញវត្ថុជាច្រើនប្រភេទ រួមមានកម្ចី ប្រាក់បញ្ញើ និងសេវាប្រតិបត្តិការ/ការទូទាត់ប្រចាំថ្ងៃ។ បេសកកម្មរបស់ អេ អឹម ខេ គឺផ្ដល់សេវាហិរញ្ញវត្ថុប្រកបដោយទំនួលខុស ត្រូវ និងសម្បូរបែប ដល់អតិថិជនគ្រប់រូប ជាពិសេស ស្រ្តីនិងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន៕