English
 
ភាសាខ្មែរ
 
 វេបម៉ែល
 
 តម្លើងយូនីខូដខ្មែរ
ស្វែងរក
ប្រវត្តិ
Thursday, 13-Sep-2012 14:47:38 GMT+7 [ ត្រូវបានមើល : 87160 ]

អង្គរ មីក្រូហិរញ្ញវត្ថុ (កម្ពុជា) ខូ អិល ធី ឌី (អេ អឹម ខេ)បានចាប់កំណើត មកពី កម្មវិធីឥណទាន និងសន្សំរបស់អង្គការ Concern Worldwide នៅក្នុងព្រះរាជា ណាចក្រកម្ពុជានៅក្នុងឆ្នាំ១៩៩៣។

ក្នុងកំឡុងពីឆ្នាំ ១៩៩៧ ដល់ឆ្នាំ ១៩៩៩ សកម្មភាពឥណទាន និងសន្សំ បានចាប់ផ្តើមផ្តាច់ខ្លួនបន្តិចម្តងៗពីកម្មវិធីអភិវឌ្ឍន៍សហគមន៍ទ្រង់ទ្រាយធំរបស់ Concern Worldwide ហើយបានក្លាយទៅជាគម្រោងតាមតំបន់ដាច់ ដោយឡែក ប៉ុន្តែស្ថិតក្រោមការគ្រប់គ្រងរបស់អង្គការ Concernដដែល។

ក្នុងងឆ្នាំ ១៩៩៩ ដោយសារ តែការរីកចម្រើនផ្នែកផលប័ត្រ​ប្រាក់កម្ចី​យ៉ាងឆាប់​រហ័ស លើសពី ១០០០លានរៀល (២៥០០០០ដុល្លារសហរដ្ឋ អាមេរិក) ហើយប្រឈមជាមួយនឹងការផ្លាស់ប្តូរ​ផ្នែក​ច្បាប់គ្រប់គ្រងអង្គ ការ Concern បាន​ចាប់​ផ្តើម​ដំណើរការ​អស់រយៈពេលជាច្រើន ឆ្នាំក្នុងការបង្កើត​ជា​ក្រុមហ៊ុនឯករាជស្របច្បាប់មួយ។​

នៅឆ្នាំ ២០០១ កម្មវិធីឥណទាន និងសន្សំ បានប្រែក្លាយទៅជា ធនាគារ ពន្លឺថ្មី ដែលជា គ្រឹះស្ថានមីក្រូហិរញ្ញវត្ថុកម្ពុជា បច្ចុប្បន្ននេះ។ ដំណើរការ នៃការប្រែប្រួលដ៏ច្រើនបានផ្លាស់ប្តូរពី ធីភីធី ទៅជា អេ អឹម ខេ ខូអិលធីឌី ក្នុងកំឡុង ឆ្នាំ២០០២ និង២០០៣។ ឈ្មោះថ្មី អង្គរ មីក្រូហិរញ្ញវត្ថុ (កម្ពុជា) ខូអិលធីឌី (អេ អឹម ខេ) ត្រូវបានសម្រេច ហើយបាន ចុះបញ្ជីជា ក្រុមហ៊ុន ទទួលខុសត្រូវមានកម្រិតនៅក្រសួងពាណិជ្ជកម្ម។ ការកាត់ផ្តាច់បំណុល និងទ្រព្យសកម្មត្រូវបានធ្វើឡើងជាបន្តបន្ទាប់រហូតដល់ចប់សព្វគ្រប់។

គ្រឹះស្ថាន អេ អឹម ខេ បានធ្វើអោយប្រសើរឡើងចំពោះការយកចិត្តទុក ដាក់ របស់ខ្លួន បានតែងតាំង និងពង្រឹងសមាជិកក្រុមប្រឹក្សាភិបាល ជ្រើសរើស សមាជិកថ្មី និងចាប់ផ្តើមធ្វើទំនើបកម្មប្រព័ន្ធ និងគោលនយោ បាយ  ដោយផ្សារភ្ជាប់ជាមួយនឹងសេចក្តីត្រូវការរបស់ស្ថាប័នហិរញ្ញវត្ថុ។ នៅឆ្នាំ២០០៤ អេ អឹម ខេ ទទួលបានអាជ្ញាប័ណ្ណពីធនាគារជាតិនៃកម្ពុជា។

ក្នុងឆ្នាំ ២០០៥ គ្រឹះស្ថាន អេ អឹម ខេ ធានាបានចំពោះបំណុលហិរញ្ញវត្ថុ របស់ខ្លួន ជាលើកដំបូង ហើយបង្កើតយន្តការគ្រប់គ្រងការងារសង្គម ដើម្បីវាស់វែងការជះឥទ្ធិពលរបស់ខ្លួនចំពោះសង្គម។

ចាប់តាំងពីការទទួលបានប្រាក់កម្រៃលើកដំបូងនៅឆ្នាំ ២០០៥ គ្រឹះស្ថាន អេ អឹម ខេ បានក្លាយ ទៅជាក្រុមហ៊ុន ដែលមានទ្រង់ទ្រាយធំ បានពង្រីក​វិសាលភាពប្រតិបត្តិការ​​ របស់ខ្លួន នៅទូទាំងព្រះរាជាណាចក្រកម្ពុជា ព្រមទាំង បានបង្កើតនូវ ផលិតផល និងសេវាកម្មថ្មីៗ ជាច្រើន។ ការទទួលឥទ្ធិពល ពីវិបត្តិហិរញ្ញវត្ថុសកលលោក នៅឆ្នាំ ២០០៨ អេ អឹម ខេ ជាគ្រឹះស្ថាននៅតែនាំមុខគេមួយក្នុងចំណោម គ្រឹះស្ថានមីក្រូហិរញ្ញវត្ថុ ទាំងឡាយនៅព្រះរាជាណាចក្រកម្ពុជា។
 
 
 

ទស្សនវិស័យ បេសកកម្ម និង គោលការណ៍ណែនាំ
Thursday, 13-Sep-2012 14:52:53 GMT+7 [ ត្រូវបានមើល : 86107 ]
ទស្សនវិស័យ បេសកកម្ម និង គោលការណ៍ណែនាំ

ទស្សនវិស័យ
ក្នុងសង្គមកម្ពុជា ប្រជាពលរដ្ឋទំាឡាយ មានឱកាសគ្រប់គ្រាន់ និង ស្មើភាពគ្នាក្នុងសកម្មភាពសេដ្ឋកិច្ច និងសង្គម ដើម្បីធ្វើអោយប្ររសើរ ឡើងនូវជីវភាពរស់នៅ​របស់ពួកគេហើយអាចជួយជាវិភាគទានយ៉ាងមាន ប្រយោជន៍ចំពោះការអភិវឌ្ឍន៍ ប្រទេសជាតិ។

ក្នុងនាមជា គ្រឹះស្ថានមីក្រូហិរញ្ញវត្ថុ ភាពជាអាទិភាពរបស់ គ្រឹះស្ថាន អេ​ អឹម ខេ បានងាកចេញពីការផ្តោតទៅលើការពង្រីកវិសាលភាពមកពង្រឹងអោយមាននិរន្តរភាពផ្នែកហិរញ្ញវត្ថុ និងប្រតិបត្តិការ ហើយក៏រក្សាបាននូវគោលដៅសង្គម របស់ខ្លួនផងដែរ។

បេសកកម្ម
«ជួយដល់ប្រជាពលរដ្ឋក្រីក្រភាគច្រើនក្នុងគោលបំណងជួយធ្វើអោយប្រសើរឡើងនូវជីវភាពរស់នៅរបស់ពួកគេ តាមរយៈការផ្តល់ សេវាមីក្រហិរពា្ញវត្ថុសមស្រប និងឋិតថេរ។»

គោលការណ៍ណែនាំ របស់ គ្រឹះស្ថាន អេ អឹម ខេ៖
• គ្រឹះស្ថាន អេ អឹម ខេ នឹងផ្តល់សេវាមីក្រូហិរញ្ញវត្ថុដល់ប្រជាជនក្រីក្រនៅ ក្នុងប្រទេសកម្ពុជា ដែលមានវិន័យហិរញ្ញវត្ថុរឹងមាំនៅគ្រប់កម្រិត។

• គ្រឹះស្ថាន អេ អឹម ខេ បេ្តជ្ញាបើកទូលាយនិងអោយមានតម្លាភាពនូវគ្រប់ ផ្នែក ទំាងអស់នៃការគ្រប់គ្រង និង​ប្រតិបត្តិការ។

• គ្រឹះស្ថាន អេ អឹម ខេ បេ្តជ្ញាធ្វើការអភិវឌ្ឍន៍ដំណើរការ/សេវាកម្ម និងប្រកាន់ខ្ជាប់នូវអត្តចរិត និងស្តង់ដា ដើម្បី​ធានាអោយបាននូវការបម្រើសង្គមប្រកបដោយប្រសិទ្ធភាពខ្ពស់ដោយរួមទាំងការការពារ        អតិថិជន។

• អេ អឹម ខេ គឺជាគ្រឹះស្ថានរៀនសូត្រដែលការផ្លាស់ប្តូរ និងការចែករម្លែក នូវព័ត៌មាន ដ៏សមស្រប នឹងរួមចំណែក ដល់ការអភិវឌ្ឍន៍បុគ្គលិក ការបណ្តុះបណ្តាល ព្រមទាំងចូលរួមចំណែក ក្នុងការកែលម្អ គោលការណ៍ និង ប្រព័ន្ធ។

ក្រមអនុវត្តន៍របស់គ្រឹះស្ថាន អេ អឹម ខេ នៅក្នុងកិច្ចការពារអតិថិជន៖

១.ការរួមបញ្ចូលៈ
យើងនឹងធ្វើអតិបរមាកម្មការួមបញ្ចូលប្រជាពលរដ្ឋក្រីក្រនិងប្រជាពលរដ្ឋដែលគេមិនសូវយកចិត្តទុកដាក់ផ្សេងទៀត អោយមកប្រើប្រាស់ផលិតផល និងសេវាកម្ម របស់ អេ អឹម ខេ។

២.ការចាកផុតពីបំណុលវណ្ឌកៈ
យើងនឹងកាត់បន្ថយអោយបានជាអប្បបរមានូវហានិភ័យរបស់អតិថិជន(ជាពិសេសប្រជាពលរដ្ឋក្រីក្រ) ទៅនឹងផលិតផលដែលអាចធ្វើអោយប៉ះពាល់និងធ្វើអោយមានខាតបង់ប្រសិនបើអតិថិជនត្រូវស្ថិត នៅក្នុងបំណុលច្រើនវណ្តករ។

៣.ការកំណត់តម្លៃដែលមានតម្លាភាពៈ
យើងនឹងផ្តល់នូវព័ត៌មានពេញលេញទៅអោយអតិថិជនអំពីគោលការណ៌ និងនីតិវិធីព្រមទាំងធានាអោយមានតម្លាភាពពេញលេញនៅក្នុងប្រិតិបត្តិការ និងការកំណត់តម្លៃ។

៤.អាកប្បកិរិយាបុគ្គលិកប្រកបដោយក្រមសីលធម៌ៈ យើងនឹងធានាអោយមាននូវឥរិយាបទប្រកបដោយក្រមសីលធម៌ខ្ពស់ និងការគោរពចំពោះអតិថិជនពីសំណាក់បុគ្គលិកគ្រប់ជាន់ថ្នាក់។

៥.ការអនុវត្តន៍សមស្របនៃការទាបំណុលៈ ការប្រតិបត្តិនៃការទាបំណុលនឹងធ្វើការដោះស្រាយជាមួយអតិថិជនរបស់យើងហើយនឹងមិនមាន ប្រើអំពើរំលោភបំពាន ឬបង្គាប់បញ្ជាព្រៃផ្សៃឡើយ។

៦.យន្តការដែលមានប្រសិទ្ធភាពសម្រាប់ជួយសម្រាលទុក្ខព្រួយៈ យើងនឹងមានយន្តការឆ្លើយតបនៅនឹងកន្លែង សម្រាប់ដោះស្រាយបញ្ហា និងការត្អូញត្អែចំពោះអតិថិជន។

៧.ភាពឯកជននៃទិន្នន័យរបស់អតិថិជនៈ ភាពឯកជននៃទិន្នន័យអតិថិជននឹងតែងតែត្រូវបានគោរពជានិច្ចជាកាល។

៨.សេរីភាពនៃការជ្រើសរើសៈ យើងនឹងសម្រួលព្រមទាំងជំរុញអោយមានសេរីភាពក្នុងការជ្រើសរើសពេញលេញ ចំពាះអតិថិជនទាំងអស់។

ក្រមនេះត្រូវបានបញ្ចូលក្នុងស្តង់ដារនៃប្រតិបត្តិការនៅក្នុងគោលនយោបាយរបស់ គ្រឹះស្ថាន អេ អឹម ខេ នឹងត្រូវបានត្រួតពិនិត្យតាមរយៈមុខងារនៃសវនកម្ម ផ្ទៃក្នុង និងការរកឃើញពីការស្រាវជ្រាវផ្នែកសង្គម។

ភាគទុនិក និង សមាជិកក្រុមប្រឹក្សាភិបាល
Monday, 1-Oct-2012 16:44:08 GMT+7 [ ត្រូវបានមើល : 84072 ]
ភាគទុនិក និង​ក្រុមប្រឹក្សាភិបាល

ភាគទុនិករបស់ គ្រឹះស្ថាន អេ  អឹម  ខេ រួមមាន Concern Worldwide (Dublin) និង Concern Worldwide UK.

ភាគទុនិករបស់ គ្រឹះស្ថាន អេ អឹម ខេ បានតែងតាំងក្រុមប្រឹក្សាភិបាល ដែលទទួលខុសត្រូវជាទូទៅ លើអភិបាលកិច្ច និងការណែនាំ ជាយុទ្ធសាស្រ្តរបស់គ្រឹះស្ថាន។ សមាជិកក្រុមប្រឹក្សាភិបាលទាំង១០រូប មានជំនាញ ទូលំទូលាយ នៅក្នុងផ្នែកសវនកម្មច្បាប់នៅប្រទេសកម្ពុជា ការគ្រប់គ្រង ប្រព័ន្ធហិរញ្ញវត្ថុ ការអភិវឌ្ឍន៍ធនធានមនុស្ស​មីក្រូ​ហិរញ្ញវត្ថុ ព្រមទាំងមានបទពិសោធន៍យ៉ាងទូលំទូលាយផ្នែកធនាគារពាណិជ្ជ។

នាពេលបច្ចុប្បន្នគណៈក្រុមប្រឹក្សាភិបាលរបស់​គ្រឹះស្ថាន​​ អេ អឹម ខេ មានសមាជិក៩រូបរួមទាំង​អគ្គនាយក​មួយរូបដែលតំណាងឲ្យការគ្រប់គ្រង ចំពោះមុខក្រុមប្រឹក្សាភិបាល។ មានគណៈកម្មការចំនួន៤ ដែលត្រូវរាយ​ការណ៍​ដោយ ផ្ទាល់ទៅកាន់ក្រុមប្រឹក្សាភិបាល។ សមាជិកគណៈកម្មការ នីមួយៗចម្រុះដោយសមាជិកដែលមានបទពិ​សោ​ធ​ន៍ និងជំនាញពី បរទេស។ គណៈកម្មការទាំង៤ រួមមានៈ

    ១. គណៈកម្មការ វាយតម្លៃ តែងតាំង និង អភិបាលកិច្ច
    ២. គណៈកម្មការការងារសង្គម
    ៣. គណៈកម្មការសវនកម្ម និងហិរញ្ញវត្ថុ
    ៤. គណៈកម្មការហានិភ័យ

ក្រុមប្រឹក្សាភិបាល និងគណៈកម្មការប្រឹក្សាយោប់ៈ

លោក Tanmay Chetan ប្រធានក្រុមប្រឹក្សាភិបាល​ និងជាប្រធាន គណៈកម្មការវាយតម្លៃ តែងតាំង និងអភិបាលកិច្ច
  លោក Tanmay ជាស្ថាបនិករួម និងជាដៃគូគ្រប់គ្រង​នៅ Agora Microfinace Partners LLP។​ គាត់គឺជាអ្នកជំនាញខាងវិស័យមីក្រូហិរញ្ញវត្ថុ​ជាមួយនឹងបទ​ពិសោធន៍​​​ជាង១២ ឆ្នាំលើមុខងារ​ជាច្រើនរួមមាន ការចាត់ថ្នាក់ឥណទាន ការផ្តល់ប្រឹក្សា និងការអនុវត្តន៍ នៅបណ្ដាប្រទេស​ចំនួន១៥។ ក្នុងកំឡុងពេល ពីឆ្នាំ២០០៣ ដល់ ​២០០៧ គាត់បានបម្រើ​ការងារក្នុងតំណែង​ជាអគ្គនាយកដំបូង​របស់ គ្រឹះស្ថាន អេ អឹម ខេ​នៅ​ក្នុង​ប្រទេសកម្ពុជា។​ លោកTanmay​ បាន​បញ្ចប់​ការ​សិក្សាថ្នាក់អនុបណ្ឌិតផ្នែក​រដ្ឋបាល​សា​ធារណៈ​​​ (Mason Fellow)​ ពីសាកល​វិទ្យាល័យ Harvard Kennedy និងអនុបណ្ឌិតពី​វិទ្យា​ស្ថាន​គ្រប់គ្រង​ធនធាន​ព្រៃឈើ​នៃ​ប្រទេស​ឥណ្ឌា។

លោក Howard Dalzell អភិបាល​ និងជាប្រធានគណៈកម្មការការងារសង្គម
  លោក Howard ថ្មីៗនេះបានចូលនិវត្តន៍ពីគណៈគ្រប់គ្រងជាន់ខ្ពស់របស់អង្គការ Concern Worldwide​​ ដែលលោកបម្រើការងារជានាយកក្រៅប្រទេស​​និងនាយកគោលនយោបាយ។ គាត់​មានបទពិសោធន៍ជាង ៣០ឆ្នាំ នៃការងារ​អនុវត្តន៍​ជាក់ស្តែង ក្នុងការអភិវឌ្ឍន៍ និងការងារ​ផ្នែកមនុស្សធម៌។ លោក Howard ទទួលបានសញ្ញាប័ត្រវិទ្យាសាស្រ្តកសិកម្ម និង អនុបណ្ឌិត​ផ្នែកចំណីអាហារ​សត្វពា​ហនៈ។
  
លោកស្រី Rebecca McKenzie អភិបាល សមាជិកគណៈកម្មការវាយតម្លៃ តែងតាំង និង អភិបាលកិច្ច
   លោកស្រី  Rebecca​ ជាស្ថាបនិករួម និងជាដៃគូគ្រប់គ្រង​នៅ Agora Migrofinance Partners LLP។ គាត់គឺជាធនាគារិក ​និងជាអ្នកជំនាញ​មូលធន​ទីផ្សារ​ ជាមួយនឹងបទ​ពិសោធជាង១២ឆ្នាំ។​ លោកស្រីធ្លាប់​បម្រើការងារ​នៅ​ធនាគារ​ DEPFA Bank plc ដែល​ទទួលខុសត្រូវលើផ្នែកទំនាក់ទំនងវិនិយោគិន។​ ហើយក៏ជាតំណាងរបស់​ធនា​គារ​ក្នុងការ​គាំទ្រ និងសហប្រតិបត្តិការជាមួយអង្គការ Concern Worldwide។ លោកស្រី  Rebecca​ ចាប់ផ្តើម​ការងារជាមួយគ្រឹះស្ថាន អេ អឹម ខេ នៅពេលដែលលោកស្រី ត្រូវបាន​តែងតាំងជា​សមាជិក​ក្រុមប្រឹក្សា​ភិបាល​នៅឆ្នាំ២០០៨​។ ដោយ​ចាប់ផ្ដើមពីធនាគារ DEPFA លោកស្រីបម្រើការងារនៅ​ Capital Markets Sales នៅ UBS, Credit Suisse និង Paribas។ លោកស្រី Rebecca​ ទទួលបរិញ្ញាបត្រពីសកលវិទ្យាល័យ Scripps រដ្ឋ California សហរដ្ឋអាមេរិក។

លោក ទិព្វ ច័ន្ទវិបុល អភិបាល
  លោក ទិព្វ ច័ន្ទវិបុល ជាអភិបាល​​ និង ជាដៃគូរគ្រប់គ្រងនៃក្រុមហ៊ុនច្បាប់ Tip and Associates នៅកម្ពុជា។

លោក   Pete Power​ អភិបាល
  លោក  Pete គឺជាអគ្គនាយករបស់​ គ្រឹះស្ថាន អេ អឹម ខេ ដែលមានតួនាទីទទួលខុស​ត្រូវ​សកម្មភាពប្រតិបត្តិការ ​និងយុទ្ធសាស្រ្តអភិវឌ្ឍន៍របស់ គ្រឹះស្ថាន អេ អឹម ខេ។​ លោក Pete បានពាំនាំមកជាមួយនិងបទពិសោធន៍ជាងមួយទសវត្ស លើតួនាទីជាអ្នកផ្តល់​ប្រឹក្សា​​ផ្នែកការ​គ្រប់គ្រងអង្គការសង្គមស៊ីវិល និងបទពិសោធអភិវឌ្ឍក្រុមហ៊ុនឯកជន។​ លោក​ Pete បានដឹក​នាំការ​ផ្ដល់ប្រឹក្សានៃការអនុវត្តន៍នៅអង្គការ​ជាច្រើនក្នុង​សហរដ្ឋ​ អាមេរិក រួមមាន Claritee Group, BearingPoint, KPMG Consulting, and Arthur Andersen Business Consulting​។ លោក Pete បានចូលរួមជាសមាជិកក្រុម​ប្រឹក្សា​ភិបាលគ្រឹះស្ថាន អេ អឹម ខេ ចាប់តាំងពីឆ្នាំ​២០០៦​។ លោក Pete ទទួលបាន​​បរិញ្ញា​ប័ត្រវិទ្យាសាស្រ្ត ផ្នែកទំនាក់ទំនងអន្តរជាតិ និងទស្សន​វិជ្ជា ពីសកលវិទ្យាល័យ Scranton បន្ទាប់មកទទួលបានអនុបណ្ឌិតផ្នែក European Integration ពីសកលវិទ្យាល័យ Limerick នៅប្រទេសអៀកឡង់ និងអនុបណ្ឌិតផ្នែកគ្រប់គ្រង​ជំនួញពី​សកល​វិទ្យាល័យ Tulane។

លោក គា បូរាណ អភិបាល និងជាអគ្គនាយកនាពេលបច្ចុប្បន្ន
លោក បូរាណ គឺជាអគ្គនាយករបស់​ គ្រឹះស្ថាន អេ អឹម ខេ នាពេលបច្ចុប្បន្ន។ គាត់បានចូលបម្រើ ​ការនៅ​គ្រឹះ​ស្ថាន អេ អឹម ខេ ក្នុងតំណែងជាប្រធានហិរញ្ញ​វត្ថុនៅខែកុម្ភៈ ឆ្នាំ២០០៤។ ពីមុន​គាត់ធ្លាប់​បម្រើការងារនៅអង្គការ World Relief Cambodia​/CREDIT (កម្មវិធីឥណទាន​ខ្នាត​តូច) ជានាយកហិរញ្ញវត្ថុ។

លោកបូរាណ បញ្ចប់ថ្នាក់បរិញ្ញាបត្រគណនេយ្យ និងហិរញ្ញវត្ថុ និង​ទទួលបាន​​សញ្ញា​បត្រ ACCA។

លោក Marcus Fedder អភិបាល ប្រធានគណៈកម្មការហានិភ័យ និងជាសមាជិកគណៈ​កម្មការ​សវនកម្ម និងហិរញ្ញវត្ថុ
  លោកMarcus ជាធនាគារិកម្នាក់ ដែលមានបទពិសោធជាង២៣ឆ្នាំ នៅតាមបណ្ដា គ្រឹះស្ថានហិរញ្ញវត្ថុនានា។  នាពេលកន្លងមក រូបលោក បានកាន់តំណែងជាន់ខ្ពស់ ជាប្រធានផ្នៃកនៃ អឺរ៉ុប និងអាស៊ីប៉ាស៊ីហ្វិក (Europe and Asia-Pacific)នៅធនាគារ Toronto​​ Dominion  និងធ្លាប់ជាហេរញ្ញិក ​ នៅធនាគារអឺរ៉ុបសម្រាប់ការអភិវឌ្ឍន៍ និងស្ថាបនាឡើងវិញ (EBRD ) ។ បន្ថែមលើនេះ រូបលោក ក៏ធ្លាប់ជាមន្រ្តីជាន់ខ្ពស់ នៅធនាគារពិភពលោក និង ធនាគារពាណិជ្ជកម្ម Imperia  នៃប្រទេសកាណាដា ផងដែរ។
លោក Marcus បានទទួលបណ្ឌិតផ្នែកនយោបាយ ពីទីក្រុងប៊ែឡាំងនៃប្រទេស​អាល្លឺម៉ង់ និង អនុបណ្ឌិតផ្នែកទំនាក់ទំនងអន្តរជាតិ ពីប្រទេសអង់គ្លេសផងដែរ៕

លោកស្រី Irina Ignatieva អភិបាល និងជាសមាជិកគណៈកម្មការការកិច្ចការសង្គម
  លោកស្រីIrina គឺជាអ្នកទីប្រឹក្សាលើផ្នែកមីក្រូហិរញ្ញវត្ថុរបស់អង្គការConcern Worldwide។​ លោកស្រីមានបទពិសោធន៍១៥ឆ្នាំ លើផ្នែកមីក្រូហិរញ្ញវត្ថុ ក្នុងបណ្ដាប្រទេសកំពុងអភិ​វឌ្ឍន៍ លោកស្រីចាប់ផ្ដើមអាជីពរបស់គាត់នាយកកម្មវិធីមីក្រូហិរញ្ញវត្ថុនៅប្រទេសរុស្ស៊ី។ ​ លោកស្រី​ Irina បានបំពេញការងារយ៉ាងទូលំទូលាយជាមួយគ្រឹះស្ថានមីក្រូហិរញ្ញវត្ថុនៅ បណ្ដាប្រទេស ភាគកណ្ដាលនិងភាគខាងលិចអឺរុប និងអាស៊ី ជាអ្នកផ្ដល់ប្រឹក្សា ព្រម​ទាំងជា​អ្នក​បង្ហាត់​បង្រៀន​ផងដែរ។ លោកស្រី Irina ក៏បានដឹកនាំស្រាវជ្រាវលើ​គម្រោង​វិស័យមីក្រូហិ​រញ្ញវត្ថុជាមួយ Kennedy School of Government នៅសាកលវិទ្យាល័យ Harvard សហរដ្ឋអាមេរិកផងដែរ។ ក្នុងនាមជាទីប្រឹក្សាយោបល់លើផ្នែកមីក្រូ​ហិរញ្ញ​វត្ថុរបស់អង្គការ Concernនាពេលនេះលោក​ស្រីផ្ដល់ការគាំទ្រដល់កម្មវិធីមីក្រូ​ហិ​រញ្ញវត្ថុ​និងកម្មវិធីមីក្រូហិរញ្ញវត្ថុ​នៅអាហ្រ្វិក អាស៊ី និងការ៉ា​ប៊ៀន។​ លោកស្រី Irina ទទួលបាន​សញ្ញាបត្រ EMBA ពីសាលាសេដ្ឋកិច្ច Stockholm និងអនុ​បណ្ឌិតពីសកលវិទ្យាល័យ St. Petersburg ក្នុងប្រទេសរុស្ស៉ី។

លោកស្រី Frances Sinha អភិបាល និងជាសមាជិកគណៈកម្មការការកិច្ចការសង្គម
លោកស្រី Frances គឺជាអគ្គនាយក​នៃ EDA Rural Systems ដែលមានមូលដ្ឋាននៅ Gurgaon​ ប្រទេសឥណ្ឌា​។ លោកស្រីមានបទពិសោធ​២៥ឆ្នាំ លើជំនាញការសិក្សា​ស្រាវជ្រាវ​ និងការក​សាងសមត្ថភាពក្នុងវិស័យមីក្រូហិរញ្ញវត្ថុអាស៊ី៕

លោក Adrian Graham អភិបាល​ ប្រធានគណៈកម្មការសវនកម្ម និងហិរញ្ញវត្ថុ និងជាសមាជិក​គណៈកម្មការហានិភ័យ
 
លោក​ Adrian គឺជានាយកហិរញ្ញវត្ថុនៅអង្គការ UNICEF អូស្ត្រាលី។ ពីមុន លោក Adrian ​ជានាយកហិរញ្ញវត្ថុ របស់អង្គការ Concern Worldwide និងជាអ្នកតំណាង​ Concern ប្រចាំប្រទេសអូស្រ្តាលី។

លោកស្រី Olga Torres សមាជិកគណៈកម្មការការកិច្ចការសង្គម
លោកស្រី Olga ជានាយិកាស្រាវជ្រាវនៅ ។ គាត់មានបទពិសោធន៍ជាង១២ឆ្នាំ ជាអក្នគ្រប់ គ្រង ទីប្រឹក្សារយោបល់ និងជាអក្នស្រាវជ្រាវ។ ពីឆ្នាំ២០០៣ ដល់ ឆ្នាំ២០០៩ លោកស្រី Olga បានដឹកនាំការងាររបស់ អេ អឹម ខេ ក្នុងការបង្កើត និងអនុវត្តន៍ប្រព័ន្ធប្រមូល និង វិភាគទិន្ន័យអតិថិជន (រួមមានកម្រឹតនៃភាពក្រីក្រ) និងទិដ្ឋភាពការងារសង្គមផ្សេងៗ ទៀត។ លោកស្រី Olga ទទួលបានសញ្ញាប័ត្របណ្ឌិតពី Universidad Compluense (ប្រទេសអេ​ស្ប៉ាញ) និង អនុបណ្ឌិតកិច្ចការអន្តរជាតិពី សកលវិទ្យាល័យ (សហរដ្ឋអាមេរិក)។

លោកស្រី Helen Ianson សមាជិកគណៈកម្មការការសវនកម្ម និង ហិរញ្ញវត្ថុ
លោកស្រី Hellen ជានាយិការប្រចាំប្រទេសអង្គការ Save the Children ក្នុងប្រទេសអាល់​បានី ដែលបានចំណាយពេលវេលា ១៥ឆ្នាំ ផ្នែកអភិវឌ្ឍន៍នៅអាស៊ី និងអាហ្រ្វិក។ គាត់​បម្រើការនៅអង្គការអន្តរជាតិឈានមុខគេ ដូចជា អង្គការ  Concern និង Save the Children ព្រមទាំងបំពេញការងារជិត៣ឆ្នាំនៅប្រទេសកម្ពុជា។ លោកស្រី Hellen ជាគណនេយ្យក​អាជីពនៅក្នុងប្រទេសអង់គ្លេស ក្នុងតួនាទីជាសវនករ និង​នៅផ្នែកពាណិជ្ជកម្ម​ក្នុងទ្វីបអឺរ៉ុប។

លោក Janardhan (Janu) Rao សមាជិកគណៈកម្មការការកិច្ចការសង្គម
លោក Janu ជានាយកប្រចាំប្រទេសអង្គការ នៅប្រទេសកម្ពុជា។ គាត់មានបទពិសោធន៍​ការងារជាង២៤ឆ្នាំ នៅក្នុងអង្គការក្រៅរដ្ឋាភិបាល ផ្នែកអភិវឌ្ឍន៍ជនបទ។ លោក Janu ទទួលបានអនុបណ្ឌិតផ្នែកការងារ​សង្គមនៅប្រទេសឥណ្ឌាក្នុងឆ្នាំ១៩៨៧។ បន្ទាប់មកបាន​ចំណាយ​​ពេល​​ជាច្រើនឆ្នាំ ធ្វើការនៅអង្គការក្នុងស្រុកនៅតំបន់ជនបទ​ប្រទេសឥណ្ឌា។ លោក Janu បានចាប់ផ្តើមបំពេញការងារនៅអង្គការ ក្នុងឆ្នាំ២០០០ ជានួយការនាយកប្រចាំ​ប្រទេសនៅប្រទេសស៊ូដង់ខាងត្បូង បន្ទាប់មកជានាយក​ប្រចាំប្រទេស Eritrea និងស៊ូដង់ខាង​ជើង មុននឹងបម្រើការ​ងារ​​នាពេល​បច្ចុប្បន្ននេះនៅក្នុងប្រទេស​កម្ពុជា។

គណៈកម្មាធិការប្រតិបត្តិ
Wednesday, 8-May-2013 10:14:11 GMT+7 [ ត្រូវបានមើល : 84680 ]
គណៈកម្មាធិការប្រតិបត្តិ

The contents will be available soon...!

គណៈគ្រប់គ្រង
Thursday, 9-May-2013 08:10:40 GMT+7 [ ត្រូវបានមើល : 56971 ]
គណៈគ្រប់គ្រង

The content will be available soon...!

ប្រធានភូមិភាគ
Thursday, 13-Sep-2012 15:19:33 GMT+7 [ ត្រូវបានមើល : 82744 ]
ប្រធានភូមិភាគ


លោក លឹម សៀកស្រ៊ុន ប្រធានភូមិភាគ
 
 
លោក សៀកស្រ៊ុន ទទួលខុសត្រូវសាខាប្រតិបត្តិការគ្រឹះស្ថាន អេ អឹម ខេ នៅខេត្តកំពង់ស្ពឺ កំពត ព្រះស៊ីហនុ និងតាកែវ។

លោក សៀកស្រ៊ុន បានចាប់ផ្តើមធ្វើការមុនគេនៅគ្រឹះស្ថាន អេ អឹម ខេ (កម្ម វិធីឥណទាន និងសន្សំរបស់អង្គការ Concern) នៅខែកញ្ញា ឆ្នាំ២០០២។ គាត់ ធ្លាប់មានបទពិសោធន៍ផ្នែកមីក្រូហិរញ្ញវត្ថុជាង៧ឆ្នាំ ជាមួយសមាគមន៍ឥណ​ទាន PRASAC (កម្មវិធីមីក្រូហិរញ្ញវត្ថុនៅប្រទេសកម្ពុជាដែលគាំទ្រដោយ​សហ​គមន៍អ៊ឺរ៉ុប) ដែលគាត់មានតួនាទីជាអ្នកគ្រប់គ្រងតាមស្រុក។ គាត់ ទទួលបានបរិញ្ញាបត្រហិរញ្ញវត្ថុ និងធនាគារ ពីវិទ្យាស្ថានអន្តរជាតិនៃកម្ពុជា (IIC) និងកំពុងបន្តការសិក្សាថ្នាក់អនុបណ្ឌិត គ្រប់គ្រងមីក្រូហិរញ្ញវត្ថុ នៅ សកលវិទ្យាល័យ SAIDI ប្រទេសហ្វីលីពីន។ គាត់ត្រូវបានតែងតាំងជាប្រធាន ភូមិភាគតាំងពីខែមីនា ឆ្នាំ២០០៨។


ទំនាក់ទំនងតាមសារអេឡិចត្រូនិចៈ: lim.seaksrun@amkcambodia.com
កញ្ញា រិទ្ធ សុខា ប្រធានភូមិភាគ
កញ្ញា សុខា ទទួលខុសត្រូវសាខាប្រតិបត្តិការគ្រឹះស្ថាន អេ អឹម ខេ នៅ ខេត្ត​​​កំពង់ធំ សៀមរាប ព្រះវិហារ និងឧត្តរមានជ័យ។

កញ្ញា សុខា ចាប់ផ្តើមចូលបម្រើការងារផ្នែកមីក្រហិរញ្ញវត្ថុជាតួនាទីជាមន្រ្តី ឥណទាននៅក្នុងកម្មវិធីប្រាក់សន្សំ និងឥណទាន របស់អង្គការ Concern ​​​នៅ​កម្ពុជាក្នុងខេត្តបន្ទាយមានជ័យ ពីឆ្នាំ១៩៩៩ ដល់ឆ្នាំ២០០២។ ពីឆ្នាំ​២០០២ ដល់ឆ្នាំ​២០០៥ គាត់បានបម្រើការងារជាប្រធានតំបន់នៅខេត្តបន្ទាយ​មាន​ជ័យ​។ នៅឆ្នាំ២០០៦ គាត់ត្រូវបានតែងតាំងជាប្រធានសាខាខេត្តពោធិសាត់។ មួយឆ្នាំក្រោយមក គាត់​ត្រូវបានផ្ទេរទៅសាខាខេត្តបន្ទាយមានជ័យ។ នៅ​ខែ​មករា ឆ្នាំ២០១០ គាត់​ត្រូវបាន​តែងតាំងជាប្រធានភូមិភាគ។ គាត់ទទួលបាន​បរិញ្ញាបត្រគ្រប់គ្រងពី IMS នៅឆ្នាំ២០០៦។

ទំនាក់ទំនងតាមសារអេឡិចត្រូនិចៈ rith.sokha@amkcambodia.com
 លោក ឈាង វុទ្ធី ប្រធានភូមិភាគ
 
លោក ឈាង វុទ្វី ទទួលខុសត្រូវសាខាប្រតិបត្តិការគ្រឹះស្ថាន អេ អឹម ខេ នៅ រាជធានីភ្នំពេញ មុខកំពូល កណ្តាល ព្រៃវែង និងស្វាយរៀង។

វុទ្ធី បានចូលបំពេញការងារឲ្យ អេ អឹម ខេ​ក្នុងឋានៈជាប្រធានភូមិភាគ ក្នុងខែកុម្ភៈ ឆ្នាំ២០១២។ កន្លងមកគាត់មានបទពិសោធន៍ការងារជាង ១២ឆ្នាំជាមួយ អម្រឹត ក្នុងតំណែងជាច្រើនរួមមាន មន្រ្តីអតិថិជន ប្រធានសាខា អនុប្រធានខេត្ត ប្រធានខេត្ត ប្រធានផ្នែកត្រួតពិនិត្យហានិភ័យ ព្រមទាំងជាសមាជិក គណកម្មការអភិវឌ្ឍន៍ផលិតផល។ គាត់បាន​ចូលរួមវគ្គ បណ្តុះបណ្តាលជាច្រើន ទាក់ទងនឹងវិស័យមីក្រូហិរញ្ញវត្ថុ។

វុទ្ធី បានទទួលសញ្ញាប័ត្រ បរិញ្ញាប័ត្រជំនាញ ធនាគារនិងហិរញ្ញវត្ថុ និងបរិញ្ញាប័ត្រជាន់ខ្ពស់ជំនាញគ្រប់គ្រងទូទៅនៅសាកលវិទ្យាល័យជាតិគ្រប់គ្រង។

ទំនាក់ទំនងតាមសារអេឡិចត្រូនិចៈ vuthy.chheang@amkcambodia.com

 លោក យីវ ផាន់ណា ប្រធានភូមិភាគ
  លោក ឈាង វុទ្វី ទទួលខុសត្រូវសាខាប្រតិបត្តិការគ្រឹះស្ថាន អេ អឹម ខេ នៅ
កំពង់ចាម ក្រចេះ ស្ទឹងត្រែង រតនគិរី មណ្ឌលគិរី សួង។

លោក ផាន់ណា បានចូលរួមជាមួយគ្រឹះស្ថាន អេ​ អឹម ខេ ក្នុងឆ្នាំ ២០០៧ ជាមន្រ្តីត្រួតពិនិត្យផ្ទៃក្នុង ហើយត្រូវបាន តែងតាំងជាប្រធានក្រុមនាឆ្នាំ២០០៩ និងជាប្រធានសាខាខេត្តកំពង់ធំនៅឆ្នាំ២០១០ និងនៅខែមេសា ២០១២ គាត់ត្រូវបានតែងតាំងជាប្រធានភូមិភាគ។  មុនចូលរួមជាមួយគ្រឹះស្ថាន អេ​ អឹម ខេ លោក ផាន់ណា ជាគ្រូបង្រៀនក្រៅម៉ោងនៅ UME និងជាគណនេយ្យករនៅក្រុមហ៊ុនទេសចរណ៍គីរី។

លោក ផាន់ណា បានបញ្ចប់បិរញ្ញាបត្រគណនេយ្យ និង អនុបណ្ឌិតសវនកម្ម នៅវិទ្យាស្ថានវ៉ាន់ដាគណនេយ្យ៕

ទំនាក់ទំនងតាមសារអេឡិចត្រូនិចៈ phanna.yiv@amkcambodia.com

ប្រធានសាខា
Thursday, 14-Mar-2013 17:10:13 GMT+7 [ ត្រូវបានមើល : 82312 ]

ប្រធានសាខារបស់ស្ថាប័នអេ អឹម ខេ មានដូចជា

សាខាប្រតិបត្តិការ
Thursday, 29-Mar-2012 10:54:35 GMT+7 [ ត្រូវបានមើល : 83107 ]
ការិយាល័យសាខា

គិតត្រឹម ខែធ្នូ ឆ្នាំ២០១១ នេះ អេ អឹម ខេ បានប្រតិបត្តិការគ្របដណ្តប់ចំនួន២៤ខេត្ត-រាជធានី​នៅទូទាំង​ប្រទេស រួមមានៈ​ បន្ទាយមានជ័យ បាត់ដំបង/ប៉ៃលិន កំពង់ចាម កំពង់ឆ្នាំង កំពង់ស្ពឺ ក្រុងព្រះសីហនុ/កោះកុង កំពត/កែប កណ្ដាល ក្រចេះ មណ្ឌលគីរី ព្រះវិហារ ព្រៃវែង ស្វាយរៀង តាកែវ ឧត្តរមានជ័យ ពោធិសាត់ រតនគីរី សៀមរាប    កំពង់ធំ ស្ទឹងត្រែង មុខកំពូល (កណ្តាល) និង រាជធានីភ្នំពេញ ។

ខាងក្រោមជាតារាងបង្ហាញតួលេខនៃចំនួនស្រុក ឃុំ និង ភូមិដែលគ្រឹះស្ថាន​អេ អឹម ខេ បាននឹងកំពុងប្រតិបត្តិការៈ
 
 available soon.........

អ្វីខ្លះដែលធ្វើអោយ អេ អឹម ខេ ខុសផ្លែកពីគេ
Monday, 12-Mar-2012 09:42:44 GMT+7 [ ត្រូវបានមើល : 81724 ]



អេ អឹម​ ខេ ជាគ្រឹះស្ថានដែលប្រកដដោយមោទនភាព ដោយសារតែភាព ឈានមុខគេ និង ការវិវឌ្ឍទៅមុខយ៉ាង ឆាប់រហ័ស ។ គ្រឹះស្ថាន អេ​ អឹម ខេ បាននាំមុខ គួរប្រកួតប្រជែងរបស់ខ្លួនៈ
  • ការប្ដេជ្ញាសម្រេចអោយបាននូវបេសកកម្មរបស់ខ្លួនៈ​​ «ជួយដល់ប្រជាពលរដ្ឋក្រីក្រភាគច្រើនក្នុង​គោល​បំណង​ជួយ ធ្វើអោយប្រសើរឡើងនូវជីវភាពរស់នៅរបស់ពួកគេតាមរយៈការផ្តល់សេវាមីក្រហិរពា្ញវត្ថុសម​ស្របនិងឋិតថេរ។»
  • ការឈានមុខផ្នែកកិច្ចការសង្គមៈ បច្ចុប្បន្ន គ្រឹះស្ថាន អេ អឹម ខេ បានបម្រើអតិថិជនជាង២៦០,០០០នាក់ ដែលគ្របដណ្ដប់ជាង ៨,០០០​ ភូមិ ក្នុងចំណោមភូមិទាំង១៤០,០០០ភូមិ នៅទូទាំងប្រទេស ។
  • ផ្ដោតទៅលើភាពក្រីក្រៈ ៥៧% នៃអតិថិជនរបស់​ គ្រឹះស្ថាន អេ អឹម ខេ ស្ថិតនៅក្រោមបន្ទាត់ភាពក្រីក្រ ។ ៩៤% នៃប្រាក់កម្ចីគឺមានទំហំតូចជាង៣០០ដុល្លារអាមេរិក ។ គ្រឹះស្ថាន អេ អឹម ខេ មិនមានទំហំប្រាក់កម្ចី អប្បបរមាទេ ទំហំប្រាក់កម្ចីជាមធ្យមគឺប្រមាណ ១២៤ដុល្លារអាមេរិក ។
  • នាំមុខគេនៅលើឆាកអន្តរជាតិ​ លើផ្នែកកិច្ចការសង្គម
  • ជាប់ចំណាត់ថ្នាក់លេខ​ ១ នៅកម្ពុជា និងទី១៦​ នៅលើពិភពលោកក្នុងចំណោមគ្រឹះស្ថានមីក្រូហិរញ្ញវត្ថុទាំង ១០០ តាមចំណាត់ថ្នាក់ដែលផ្ដល់ដោយ MIX Global ​ ហើយគឺជាគ្រឹះស្ថានមីក្រូហិរញ្ញវត្ថុតែមួយគត់ដែល ជាប់ ចំណាត់ថ្នាក់ក្នុងចំណោម២០គ្រឹះស្ថាន ដែលនាំមុខគេបីឆ្នាំជាប់ៗគ្នា ។
  • ទំរង់អាជីវកម្មដែលមានភាពឋិតថេរៈ ប្រាក់ចំណេញមានភាពល្អប្រសើរចាប់តាំងពីឆ្នាំ២០០៥ មក។
  • គ្រឹះស្ថានដែលផ្តល់ សេវាហិរញ្ញវត្ថុកម្ពុជាឈានមុខគេ មានបុគ្គលិកច្រើនជាង៨៥០នាក់ និងការិយាល័យ ប្រតិបត្តិការចំនួន៧៨កន្លែង ។
  • នៅឆ្នាំ​ ២០១០ ទទួលបានអាជ្ញាបណ្ណក្នុង ការកែនប្រមូលប្រាក់សន្សំពីសាធារណជន ដែលផ្តល់ដោយធនា គារជាតិនៃកម្ពុជាផលិតផលប្រាក់កម្ចីជាក្រុម និង ឯកត្តជន ដែលសម្បូរបែប ។
  • សេវាហិរញ្ញវត្ថុនៅជិតអតិថិជនបំផុត ការផ្ដល់ប្រាក់កម្ចី និងបង់សងត្រឡប់ ធ្វើឡើងនៅផ្ទះអតិថិជន ។
  • មិនតម្រូវអោយមានវត្ថុបញ្ចាំសម្រាប់ផលិតផលកម្ចីជាក្រុម ។
  • ៧៧%នៃអតិថិជនប្រើប្រាស់ប្រាក់កម្ចីសម្រាប់របរកសិកម្ម ចិញ្ចឹមសត្វ និងនេសាទ ។
  • គោលការណ៍ណែនាំដើម្បីការពារអតិថិជនដែលមានភាពតឹងរ៉ឹង ។​

អេ អឹម ខេ​ តាមចំនួន
Wednesday, 23-May-2012 09:29:09 GMT+7 [ ត្រូវបានមើល : 80979 ]
អេ អឹម ខេ​ តាមចំនួន

ការបរិយាយសង្ខេប ធ្នូ ២០០៩ ធ្នូ ២០១០ ធ្នូ ២០១១ មេសា ២០១២
ចំនួនសាខា  ២០  ២២  ២២  ២២
ចំនួនអនុសាខា  ៤៣  ៥៦  ៧៦  ៨៦
ចំនួនភូមិ  ៦,២៥៣  ៨,០៣២  ៩,១៥២ ៩,៣០០
ចំនួនបុគ្គលិកសរុប  ៧៦៦  ៨៤៤  ៩៧៣  ១,០៨៣
ចំនួនអ្នកខ្ចីសកម្ម (មិនរួមបញ្ចូល
បុគ្គលិក)
  ២១៧,៤៧៧
​​​ ២៥០,៩៣០
  ២៧៥,២៥១  ២៧៦,៣៨៣
   .អ្នកខ្ចីឥណទានក្រុម​  ៨៨%
 ៩៣%  ៩៣%  ៩២%
  .អ្នកខ្ចីឥណទានឯកត្តជន  ១២%  ៧%  ៧%  ៨%
អ្នកខ្ចីជាស្រ្តី   ៨៥%
 ៨៦%  ៨៧%  ៨៨%
ចំនួនអ្នកដាក់ប្រាក់ សន្សំដោយស្ម័គ្រចិត្ត  ១,៧៧០  ២,៧៨១  ៨,៩២៤ ១៤,៤៦៧
ផលប័ត្រឥណទាន(គិតជា
ដុល្លារអាមេរិក,​មិនរួម
បញ្ចូលនូវឥណទាន
ចំពោះបុគ្គលិក)		  $២៤,៧៩៥,៨៨០   $៣១,៣២៩,៨៥៧  $៤៧,២៤៨,៥៩៩  $៥២,៣៥៤,៧១៤
  .ឥណទានក្រុម​  ៧៧%  ៨៦%  ៨៤%  ៨០%
  .ឥណទានឯកត្តជន  ២៣%  ១៤%  ១៦%  ២០%
សមតុល្យប្រាក់សន្សំ
ដោយស្ម័គ្រចិត្ត(គិតជា
ដុល្លារ ​អាមេរិក)		  $១៩,៣៤២  $១,១៤២,៤០៩    $៤,១៨២,៣៧០  $៤,៧៣១,៧០២
ផលប័ត្រឥណទានមាន
ហានិភ័យលើសពី៣០ថ្ងៃ		  ២.៨៥% 
 ១.៥៧%  ០.១០%  ០.០៩%
ឥណទានអតិបរមា
ជាក្រុមដំបូងក្នុងអ្នក
ខ្ចីម្នាក់ (គិតជាដុល្លារ​
អាមេរិក)		  $៧៥  $៧៥   $២៥០  $២៥០
ទំហំឥណទានជាមធ្យម ក្នុងអ្នកខ្ចីម្នាក់ (គិតជាដុល្លារ អាមេរិក)   $១១៦  $១២៦  $១៧២  $១៨៩
ទំហំឥណទានជាមធ្យម
ក្នុងអ្នកខ្ចីម្នាក់/GNI pc		 ១៩%  ២០%  ២៨%  ៣០%
ឥណទានក្រោម៣០០ ដុល្លារអាមេរិក​  ៩១%
 ៩៤%  ៩៤%  ៩៣%
សមតុល្យប្រាក់សន្សំ
ដោយស្ម័គ្រចិត្តជាមធ្យម
ក្នុងអ្នក​សន្សំ​ម្នាក់/GNIpc​(%)		  ២%    ៧៦% 
 ៨៦%
 ៦១%
សមតុល្យឥណទាន/
ចំនួនភ្នាក់ងារឥណទាន ជាមធ្យម(គិត​ជាដុល្លារ អាមេរិក)		  $៦២,៦៦១  $៦៩,៣២៤ $៩០,៦៤៤   $៩១,៣៣០
អនុបាតភាពគ្រប់គ្រាន់ ផ្ទាល់ខ្លួនផ្នែកប្រតិបត្តិការ (ប្រចាំឆ្នាំ)  ១០៦% 
 ១០៨%  ១១៤%  ១១៩%
ចំណូលទទួលបាន
ពីទ្រព្យសកម្ម
(ប្រចាំឆ្នាំ)		  ១.៣០%  ២.៥០%  ៣.១០%  ២.៩៦%




អេ អឹម ខេ​ ក្នុងការអភិវឌ្ឍន៍សេដ្ឋកិច្ច
Monday, 12-Mar-2012 09:44:41 GMT+7 [ ត្រូវបានមើល : 80653 ]
ការផ្តេជ្ញាចិត្តរបស់ អេ អឹម ខេ ក្នុងការអភិវឌ្ឍន៍សេដ្ឋកិច្ច

បច្ចុប្បន្ន គ្រឹះស្ថាន អេ អឹម ខេ បានផ្ដល់ឥណទានដល់អតិថិជនជាង ២៥ម៉ឺននាក់ក្នុងព្រះរាជាណាចក្រកម្ពុជា។ តួលេខនេះស្មើនិង ២% នៃចំនួនប្រជាជនសរុប និងប្រហែលជា៩% ជាស្រ្តីមេផ្ទះ។​​ ការផ្ដល់ឥណទាន​ទៅកាន់​ប្រជា ជនដែលភាគច្រើនរស់នៅទីជនបទដាច់ស្រយាលបានធ្វើអោយគ្រឹះស្ថាន អេ អឹម ខេ គឺជាគន្លឹះឆ្ពោះទៅរក​ការ រួមបញ្ចូលហិរញ្ញវត្ថុនៅកម្ពុជា។

ស្របតាមគោលនយោបាយរបស់ធនាគារជាតិនៃកម្ពុជា ដែលលើកទឹកចិត្តក្នុងការប្រើប្រាស់ប្រាក់រៀល​ គ្រឹះស្ថាន អេ អឹម ខេ ក៏ជាគ្រឹះស្ថានមួយរួមចំណែកក្នុងការផ្ដល់ប្រាក់កម្ចីជាប្រាក់រៀលក្នុងប្រទេសកម្ពុជា។​​  នាពេលបច្ចុប្បន្ន​ នេះការកំណត់ចំនួនផលបត្រប្រាក់កម្ចីជាប្រាក់រៀល តួលេខ៩០% នៃចំនួនផលបត្រប្រាក់កម្ចីសរុបបង្ហាញនៅក្នុង គំនូសតាងរូបិយបណ្ណ​។

តារាងៈ​ ការផ្តោតទៅលើផលប័ត្ររបស់រូបិយប័ណ្ណ ខែធ្នូ ឆ្នាំ២០១០

គំនូសតាងៈ ការផ្តោតទៅលើផលប័ត្ររបស់រូបិយប័ណ្ណ ថ្ងៃទី៣១ ខែធ្នូ ឆ្នាំ២០១០



ការប្ដជ្ញារបស់ គ្រឹះស្ថាន អេ​ អឹម ខេ ក្នុងការផ្ដល់កម្ចីជាប្រាក់រៀល គឺអាស្រ័យលើកសេចក្តីត្រូវការរបស់អតិថិជន។ នៅតំបន់ជនបទដាច់ស្រយាលរបស់កម្ពុជា អតិថិជនភាគច្រើនប្រើប្រាស់ប្រាក់រៀល ដូច្នេះទើបមានតម្រូវការ ឥណទានជាប្រាក់រៀល។ ទោះបីថាថ្លៃដើមនៃប្រាក់រៀលមានអត្រាខ្ពស់ជាងដុល្លារអាមេរិកក៏ពិតមែនតែ គ្រឹះស្ថាន អេ អឹម ខេ នៅតែប្ដេជ្ញាផ្ដល់នូវឥណទានជាប្រាក់រៀល ប្រកបដោយប្រសិទ្ធភាពដល់អតិថិជន៕



ការិយាល័យកណ្តាល

អគារលេខៈ ៤៤២ ផ្លូវ១៩៣ សង្កាត់ ទួលស្វាយព្រៃ ១ ខណ្ឌទួលចំការមន រាជធានីភ្នំពេញ ព្រះរាជាណាចក្រកម្ពុជា
ទូរស័ព្ទៈ (៨៥៥) ២៣ ៩៩៣ ០៦២/២២៤ ៧៦៣/២២ ០២ ០២/
១៨០០ ២០០ ២០០
ទូរសារៈ (៨៥៥) ២៣ ២២១ ៦៥០
សារអេឡិចត្រូនិចៈinfo@amkcambodia.com

កំពុងទស្សនា: 2
ទស្សនាសរុប: 00859759
© 2013 AMK . All Right Reserved